المقادير
غادي نحتاجو للعجينة
الطحين فينو وفورص وشوية ديال الزرع
الملحة
شوية ديال السكر
شوية ديال الزيت
خميرة ديال الخبز غير شوية
الماء دافي
كنعجنوها بالطريقة المعتادة ونخليوها ترتاح
بالنسبة للحشوة او العمارة
غادي نحتاجو
2 بصلات كبار مقطعين رقاق
الملحة والكمون
شوية ديال الزيت
الزيتون خضر مقطع قطع صغيرة
8 فرماجات
الطريقة
كنديرو الزيت فالمقلة ونزيدو البصلة
كنديروها فوق العافية ونبقاو نحركو
ملي كدبال البصلة كنزيدو الملحة و الكمون ونبقاو نحركو مرة مرة
ملي كطيب البصلة كنزيدو الزيتون
كنزيدو الفرماج ونحركو حتى يتجانس الخليط ونطفيو العافية ونخليو الحشوة تبرد
كنديرولعجينة كويرات ونخليوها ترتاح ثم نبسطوها ونعمروها ونطويوها كالعادة
كنستعملو الزبدة والزيت مخلطين
كنستمرو حتى نساليو العجينة ونخليوها تعاود ترتاح ثم نبسطوها ونطيبوها
هادو مسيمنات عاديين بلا عمارة
ليست هناك تعليقات:
إرسال تعليق